Бөөрөлжүүтийн нүүрсний уурхайг түшиглэн 300 МВт-ын цахилгаан станцыг Багахангай дүүргийн орчмын нутаг дэвсгэр дээр барьж байгуулах талаар төр-хувийн хэвшлийн хамтын ажиллагааны хүрээнд “Цэцэнс майнинг энд энержи” ХХК хэрэгжүүлэхээр ажиллаж байна. Төслийн эхний үе шатны хүрээнд 300 МВт-ын (2x150 МВт) суурилагдсан хүчин чадалтай цахилгаан станц, жилд 3 сая гаруй нүүрс олборлох уурхай, 71 км урттай 220 кВ-ын цахилгаан дамжуулах шугамын бүтээн байгуулалтын ажил гүйцэтгэж нийт ойролцоогоор 632 сая ам.долларын хөрөнгө оруулалт хийгдэнэ. 

Төв, өмнөд, зүүн бүсийн цахилгаан хангамжийн найдвартай эх үүсвэрийг бий болгох, өсөн нэмэгдэх хэрэглээг хангах,  Бүс нутагт дэд бүтэц, үйлдвэрлэл, аж ахуй эрхлэх боломжийг бий бүрүүлнэ.

Шинэ сэргэлтийн бодлогыг хэрэгжүүлэх үйл ажиллагааны хөтөлбөрийн 2.1.5-д Багахангайн 300 МВт-ын цахилгаан станцыг барьж нийслэл Улаанбаатар хотод шинэ эко, ногоон бүтээн байгуулалтын төслүүдийн эрчим хүчний хэрэглээг хангах” гэж тусгагдсан.

Монгол улсын Засгийн газрын 2020-2024 оны үйл ажиллагааны хөтөлбөрийн “3.5.1.5-д Төвийн зүүн болон говийн бүсийн нүүрсний орд газруудыг түшиглэн 300-400 МВт-ын цахилгаан станцын барилга угсралтын ажлыг эхлүүлнэ.” гэж  заасан

Жилд 1.4 тэрбум цахилгаан эрчим хүч үйлдвэрлэж Төвийн бүсийн эрчим хүчний системд нийлүүлэх ба цахилгаан станцад 250, уурхайд 350 нийт 600 хүний ажлын байр нэмэгдэх, татвар хураамж хэлбэрээр сар бүр 2 тэрбум төгрөгийг улс болон орон нутгийн төсөвт төлөвлөрүүлэх, бүс нутагт аж үйлдвэрлэл, аж ахуй эрхлэх боломжийг бүрдүүлэх юм.

Төв, өмнөд, зүүн бүсийн цахилгаан хангамжийн найдвартай эх үүсвэрийг бий болгож тухайн бүс нутагт дэд бүтэц, үйлдвэрлэл, аж ахуй эрхлэх боломжийг бий болгоно.Цахилгаан станцад 250, уурхайд 350 нийт 600 шинэ ажлын байр бий болно.