Хэнтий аймгийн Дэлгэрхаан сумын нутаг Тооно уулын дэргэд 2400 м урт, 40 м өндөр шороон боомт байгуулан 1.6 тэрбум.м3 багтаамжтай усан сан үүсгэнэ. Усан сан үүсгэснээр 6-7 МВт хүчин чадал бүхий усан цахилгаан станц байгуулан жилд 35.0-40.0 сая.кВт.ц цахилгаан эрчим хүч үйлдвэрлэнэ.

Агаар, хөрсний чийгшил, газрын доорх усны тэжээгдэл нэмэгдэж, бүсийн экосистем, биологийн олон янз байдал бүхэлдээ сэргэж, хөрсний элэгдэл эвдрэлд орох нөхцөл багасаж цөлжилтийг бууруулах, говийн бүсийн хүн ам, газар тариалан, мал аж ахуй, уул уурхай, эрчим хүчний үйлдвэрлэлийн өсөн нэмэгдэх хэрэгцээг хангахын тулд гадаргын ус хуримтлуулж, ашиглах.

Усны тухай хууль, Байгаль хамгаалах тухай хууль, Байгалийн нөөц ашигласны төлбөрийн тухай хууль

“Алсын хараа-2050” Монгол Улсын урт хугацааны хөгжлийн бодлого, Засгийн газрын 2020-2024 оны үйл ажиллагааны хөтөлбөр, “Шинэ сэргэлтийн бодлого”

Хэнтий аймгийн Дэлгэрхаан сумын нутагт Тооно уулын 2400 м урт, 40 м өндөр боомт нь 1.6 тэрбум.м3 усан сан үүсгэн 6мВт хүчин чадал бүхий усан цахилгаан станцтай байна. Нуур байгуулагдсаны дараа жилдээ (120 – 130) сая м3 усыг олон зориулалтаар авч ашиглах боломжтой болно.

Сайншанд хот, аж үйлдвэрийн парк, олон сумдын төвийн хүн ам, газар тариалан, мал аж ахуйн усалгаа  зарим Уул уурхайн үйлдвэрийн усны хэрэгцээг цэвэр цэнгэг усаар хангахаас гадна жилдээ 30 мянган.тн хүлэмжийн хийг бууруулна.